Mareykanka oo xayiraaddii ka qaaday Shirkadda Al-Barakaad

875

Dowladda Mareykanka ayaa ku dhowaaqday inay ka qaaday xayiraadii ay ku soo rogtay sanadkii 2001dii shirkada Barakat oo ganacsi xoog leh hore ugu laheyd dalka Soomaaliya.

Qoraal ka soo baxay Waaxda Maaliyadda ee dalka Mareykanka ayaa lagu sheegay in la joojiyay oo la xirey dhammaan eedeymihii loo haystay weerarkii 11-kii bishii September 2001-dii lagu qaaday daarahii mataanaha ahaa ee New York iyo weliba magaalada Washington ee dalkaasi Mareykanka.
Qoraalka ayaa sidoo kale waxaa lagu sheegay in xayiraada laga qaaday ka sokow ay heli doonaan magdhow u dhiganta faa’iidada intii lacagtooda xayiraadda ay ka saarneyd.

Dhowr isbuuc ka hor ayaa Waaxda Maaliyadda Maraykanka ayaa waxaa ay shaacisey in wax dambi aysan laheyn Shirkadda Wakiilka Mareykanka uga ah Shirkadda Barakaad ee Park Strategies LLC ,taas oo ugu ambeyn keentay in xayiraadii saarneyd laga qaado Shirkadda Barakaad.