Ciidanka guutada koowaad ee daraawiishta Jubbaland ee deegaanka Cabdalle Biroole oo koonfur galbeed ka xiga magaalada Kismaayo ayaa sameeyey hawlgal qorsheysan oo ay ku baacsanayaan maleeshiyaadka Khawaariijta ee ku dhuumaaleysanaya tuulooyinka u dhaxeeya deegaanada Buulaxaaji iyo Cabdalle Biroole.
Hawlgalkaan oo saacado badan qaatay ayaa waxaa hogaaminayay abaanduulaha Ciidanka guutada koowaad ee daraawiishta Jubbaland ee deegaanka Cabdalle Biroole Cabdullaahi Cadow Maxamed.
Intii uu socday hawlgalka ayaa Ciidanka guutada koowaad ee daraawiishta Jubbaland iyo maleeshiyo ka tirsan Khawaarijta dagaal kooban uu ku dhexmaray deegaanka Yaaqdhuub oo u dhaxeysay Buuloxaaji iyo Biroole halkaas oo jab xooggan lagu gaarsiiyey Khawaarijta.
Howlgalkan ayaa qayb ka ah wajiga labaad ee dagaalka lagu cirib tirayo Khawaarijta ee ka bilowday guud ahaan dalka gaar ahaana deegaanada Dowlad goboleedka Jubbaland oo si dardar leh ay uga socdaan howlgalada ka dhanka ah Khawaarijta.
