Taliska Booliiska Soomaaliyeed ayaa faah faahin dheeraad ah ka bixiyay howlgallo Ciidamada Booliska ay ka sameeyeen degmoyin ka tirsan gobolka Banaadir,howlgalladaas oo dad badan lagu soo qabqabtay.
Taliye ku-xigeenka ciidamada Booliska Soomaaliya Zakiya Xuseen Axmed ayaa sheegtay in dad ku guda jiray falal Amnidarro laga soo qabtay degmooyinka,Warta-Nabada, Wadajir, Yaaqshiid,Hodan iyo degmooyin kale oo ka tirsan gobolka Banaadir.
Zakiya ayaa sheegtay in maalintii Isniinta ee todobaadkaan howlgallao laga fuliyey degmooyinka,Wadajir iyo Hodan lagu soo qabtay 5 ruux oo looga shakisan yahay inay ka dambeeyeen dil ka dhacay degmada Wadajir ee Magaalada Muqdisho.
Sidoo kale Maalintii Axada aheyd in Ciidamada Booliska ay ka qabteen degmada Warta-nabada saddex ruux oo watay Mooto Bajaaj, islamarkaana baaris kadib la ogaaday in ay yihiin Burcad,sidaasina Xabsiga lagu dhigay.
Taliye Zakiya ayaa ugu dambeyn sheegtay in howlgalladii ugu dambeeyey ee laga sameeyay degmooyin ka tirsan Gobolkan Banaadir lagu soo qabtay Kooxo Burcad u badan,kuwaas oo xilliyada qaar dhac u geysan jiray dadka Shacabka.
Marka laga soo tago hadalka Taliye kuxigeenka Ciidamada Booliska Soomaaliya Zakiya Xuseen ayaa waxaa jirtay in todobaadkaan Gudihiisa Magalada Muqdisho siyaabo kala duwan loogu dilay in ka badan 10 ruux,balse aan weli dad loo qaban
