– Guddoomiyaha Hay’adda Maareynta Musiiboyinka Qaranka Mudane Maxamuud Macallim Cabdulle iyo wafdi uu hogaaminayo ayaa maanta gaaray Magaalada Jowhar ee xarunta Maamulka Hirshabeelle.
Guddoomiyaha ayaa kulan gaar ah xarunta madaxtooyada Hirshabeelle kula qaatay Madaxweynaha Maamulka Hirshabeelle Mudane Cali Guudlaawe Xuseen, iyaga oo ka wada hadlay saameyntii ka dhalatay roobabka El-Niño ee dhammaadkii sanadkii tagay.
Kulankaan waxaa qayb ka ahaa Wasiiro ka tirsan Maamulka Hirshabeelle, Maamulka Gobolka Shabeeladda Dhexe iyo Masuuliyiin ka socday hay’adda SoDMA.
