Shil Gaari Oo Ka Dhacay Duleedka Magaalada Baladweyne

843

Wararka aan ka heleyno duleedka Magaalada Baladweyne ee Xarunta Gobolka Hiiraan ayaa waxaa ay sheegayaan in halkaas dhowr daqiiqo kahor uu ka dhacay Shil gaari oo dhaliyey khasaaro.

Shilkaan ayaa waxaa uu sigaar ah uga dhacay deegaanka Ceeljaale ee duleedka Baladweyne, waxaana uu ka yimid, kadib markii ay isku dhaceen gaari nooca xamuulka qaado ah iyo mid kale oo ahaa Laan-guruusal.

Inta la xaqiijiyay hal qof ayaa ku dhaawacmay shilka ka dhacay deegaanka Ceeljaale, isla markaana waxaa halkaas ku gadoomay gaariga weyn oo weli yaalla goobta uu ka dhacay Shilkaas.

Dad shacab ah oo goobta ka Agdhawaa ayaa gurmad u fidiyay qofka dhaawaca uu soo gaaray, waxaana loo qaaday Xarun Caafimaad oo ku taalla Magaalada Baladweyne ee Xarunta Gobolka Hiiraan.

Shilal kala duwan oo geystay khasaaro isugu jira dhimasho iyo dhaawac  ayaa horey sidaan oo kale uga dhacay duleedka Baladweyne, waxaana inta badan shilalka loo sababeeyaa Darawalada oo gaadiidka xawaare sare ku wada.