Guddiga doorashooyinka iyo xaduudaha ee dowlad goboleedka Jubbaland ayaa soo saaray jadwalka doorashada guddoonka Baarlamaanka, Madaxweynaha, iyo soo xulista xubnaha Golaha Wakiilada sida uu shaaciyay guddiga.
Liiska xildhibaanada lasoo xuley ee Baarlamaanka Jubbaland ayaa la shaacin doonaa 18-ka ilaa 19-ka Nofeembar.
Codsiyada musharaxiinta guddoonka Baarlamaanka ayaa la qaban doonaa 20-ka Nofeembar, waxaana la qorsheeyey in khudbadahooda la jeediyo 21-ka Nofeembar, iyadoo doorashaduna dhacayso isla maalintaas.
Musharaxiinta Madaxweynaha Jubbaland ayaa sidoo kale soo gudbin doona araajidooda 21-ka ilaa 23-ka Nofeembar, waxaana khudbadahooda la jeedin doonaa 24-ka Nofeembar. Doorashada Madaxweynaha Jubbaland ayaa la qorsheeyay in la qabto 25-ka Nofeembar.
