DEG DEG: Hawlgal qorsheysan oo ay iskakaashadeen Ciidamada XDS iyo saaxiibada caalamiga ah ayaa goor dhaw ka dhacday Degmada Galcad ee Gobalka Galgaduud.
Diyaaradaha dagaalka ayaa beegsaday xarumihii argagixisada ee Degmada Galcad, sida Khaydka, Saldhiga iyo goob isbitaal u ahaa Maleeshiyada arxanka daran ee argagixisada ah, waxaana isbitaalka ay xalay keeneen dhaawacyo iyo maydad farabadan.
Xog dadka deegaanka ay ka heleen geesiyaasha xooga dalka Soomaaliyeed ayaa lagu fuliyay Howlgalkaan qorsheysan waxuuna noqday mid guuleystay.
Goobaha howlgalkaan laga fuliyay ayaa ah afar meel waxaana ugu weyn Khaydka Galcad oo ah beer lagu nasto, saldhiga iyo isbitaal ay dhaawacyo ku dabiibayeen waxaana ku dhacday in ka badan 8 saalbo.
Shalay ilaa maanta weeraro dhanka cirka ah ayaa ka dhacay Mudug, Galgaduud iyo Sh/Hoose waxaana lagu dilay maleeshiyaad badan.
