Ciidamada Xoogga Dalka Soomaaliyeed ayaa maanta howlgallo ka dhan ah Al-Shabaab waxa ay ka fuliyeen deegaano hoos yimaada Goof-Gaduud Buurey ee Gobalka Baay ee dowlad gobaleedka Koonfur Galbeed.
Howlgalkaan ayaa waxaa hoggaaminayey Taliyaha Ururka 46-aad ee Guutada 8-aad Qeybta 60aad ee Ciidanka dhulka Xoogga Dalka Soomaaliyed X/le Xasan Aadan Maxamed (Xasan Taar).
Qoraal kooban oo ay faafisay warbaahinta ku hadasha afka dowladda ayaa lagu sheegay in hawlgalkaan laga fuliyey deegaano ay kamid yihiin; Adeegow, Garaar, Warta Dollar iyo Weeley.
Hawlgalladaan ayaa qeyb ka ah dagaalka ay dowladda kula jirta Al-Shabaab kaas oo ka socda inta badan gobollada dalka, iyada oo abaabulka dagaal xooggiisa uu ka socda gobollada Mudug iyo Galgaduud.
Madaxweynaha Jamhuuriyadda Federaalka Soomaaliya Xasan Sheekh Maxamuud ayaa ku sugan magaalada Dhuusamareeb oo ah caasimadda Galmudug, isaga oo halkaas ka wada abaabulka dagaalka ka dhanka ah Al-Shabaab.
