Wel-marow, waxa ay in ka badan 45-km dhinac bari ka xigta degmada Afmadow ee gobolka Jubbada hoose, halkaas howlgal ka dhacay waxaa lagu khaarijiyay horjooge lagu magacaabi jiray Maxamed Biyo-maalow.
Horjoogahan Khawaarijtu, wuxuu u qaabilsanaa dhaqaalaha iyo xoolaha uu ka uruuriyo dadka deegaanka Wel-marow ee gobolkaas.
Horjooge Biyo-maalow, wuxuu ka soo jeedaa degmada Jammaame ee gobolka Jubbada hoose. Horjoogahan dadka yaqaanno waxay ku tilmaamaeen inuu ahaa nin arxan-daran oo dadka si xoog ah kaga qaada dhaqaalaha ama xoolaha yar ay haystaan,ciddii diidana uu amri jiray in la Khaarijiyo.
Isaga oo ka socdaaalay deegaanka Wel-marow ee hoostaga degmada Afmadow ee gobolka Jubbada hoose, waxaa ka war helay ciidanada xoogga dalka iyo kuwa Daraawiishta Jubbaland, waxayna qorsheeyeen howlgalkii lagu soo afjari lahaa horjoogan unmadda dhibay, kaas oo ugu dambeyntii sababay in nafta la dhaafiyo horjoogahan iyo maleeshiyaadkii la socday.
Gobolka Jubbada hoose iyo deegaanno kale oo hoostaga gobolka Jubbada dhexe, waxaa bilihii u dambeeyay lagu ciqaabayay horjoogayaal iyo maleeshiyaad ka tirsan Khawaarijta Al-shabaa, kuwaas oo qeyb ka ahaa dhibaateynta shacabka ku nool Jubbooyinka.
