Madaxweynaha Jubbaland Mudane Axmed Maxamed Islaam oo khudbad ka jeedinayay Munaasabad lagu qabtay Magaalada Kismaayo taas oo lagu dabaal dagayay 63guuradii ka soo wareegatay Markii Gobolada Koofureed ay ka xuroobeen Gumeystihii Talyaaniga iyo Midowgii koofur iyo waqooyi ayaa ka hadlay xaalada ka taagan Laascaanood
Madaxweynaha Dowlada Goboleedka Jubaland Mudane Axmed Maxamed Islaam ayaa sheegay in nasiib daro ay tahay dagaalka iyo duulaanka Soomaaliland ay ku hayso gobolka Sool.
Waxaa uu sheegay in ay ayaan darro tahay wixii shalay ay Somaliland diiday in lagu sameeyo dadka reer Laascaanood oo madfac lagu weeraro iyaga oo guryahoodii jooga
Madaxweynaha ayaa xusay in xalka iyo wada hadalka fursad la siiyo oo aan cidna lagu qasbi Karin wax aanay dhinaca kale ogolaadeen loona baahan yahay in dadka gobolkaas ku nool ay iyagu aayahooda ka tashadaan.
