Cutub ka tirsan Ciidanka Madaxtooyada Jubbaland ayaa maanta tababar aqoon kororsi ah loogu soo xiray magaalada Kismaayo ee xarunta KMG ah ee Dowladda Jubbaland.
Tababarkan oo socday muddo labo bil iyo bar ah ayaa waxaa bixinayay saraakiil ka socday Ciidanka Kumaandooska Danab ee Xoogga Dalka Soomaaliyeed, Waxaana ciidanka lagu barayey sidii ay u wajahi lahaayeen xaalad walba oo qabsata xiliyada ay ku jiraan dagaalka dhanka ah Khawaarijta, Shiishka iyo sida ay gargaar caafimaad oo deg deg ah isugu fidin lahaayen xiliyada dagaalka.
Xiritaanka tababarkan ayaa waxaa ka soo qayb galay Taliyaha Ciidanka Madaxtooyada Jubbaland G/ Dhexe Mahad Xasan Cabdi (Yaxbul), Taliyaha ururka 5aad guutada 16aad ee kumaandooska Danab Gaashaanle Carab Dheeg Axmed, Taliye ku-xigeenka ururka 5-aad guutada 16-aad ee kumaandooska Danab Kabtan Caarif Hire Salaad iyo qaar kamid ah saraakiisha ciidanka.
