Turin) 27 Maarso 2022. Kooxda kubadda cagta Juventus ayaa raadineysa xiddig baddel u noqdo halyeygooda difaaca dhexe ka ciyaara ee Giorgio Chiellini waxayna u aragta xiddiga daafaca uga ciyaara naadiga Chelsea ee Antonio Rudiger.
Qandaraaska Rudiger ee kooxda Blues ayaa dhici doona dhammaadka xilli ciyaareedkan isagoo doonaya inuu ka tago garoonka Stamford Bridge, waxaana uu xiiso ka helayaa kooxo dhowr ah oo ka dhisan qaaradda Yurub kuwaasoo isku dayaya inay ka dhaadhiciyaan inuu bilaash ugu biiro.
Sida laga soo xigtay wargeyska The Sun, Juve ayaa doonaya inay 29-sano jirka reer Germany ay ka dhigto baddelka saxda ah ee kabtankeeda Chiellini, waxaana la sheegay inay Bianconeri u diyaarisay difaacan heshiis afar sano ah oo uu xilli ciyaareedkii ku qaadanayo 5.5 milyan oo gini.
Rudiger ayaa wali xubin muhiim ah ka ah shaxda Macallin Thomas Tuchel isagoo u saftay 26 kulan oo ka tirsan horyaalka Premier League.
