Guddiga Hirgalinta Doorashooyinka heer Dowlad Goboleed ee Jubaland SEIT ayaa ku wargaliyey musharaxiinta kuraasta 6-da ah ee la shaaciyey 23-December-2021 in ay isa soo diiwaan galiyaan maanta oo tariikhdu tahay 26-December 2021,iyagoo imaanaya xarunta Guddiga doorashada heer Dowlad Goboleed ee Jubaland.
Guddiga doorashooyinka ayaa labadii maalmood ee ugu dambeeysay waday soona gabagabeeyey diiwaangelinta iyo tababaridda Guddiyada xulista ergooyinka, sidoo kale waxa ay diiwaan galiyeen dhammaan ergooyinka codeenaya 6-da kursi.
