Subeyr Mustafe Layli, oo loo yaqaan magaciisa afgarashada “Salmaan” kana tirsanaa kooxda argagixisada ah, ayaa isku soo dhiibay ciidamada amniga ee dowladda Jubbaland, gaar ahaan kuwa ka howlgala degmada Afmadow ee gobolka Jubbada Hoose.
Wararka laga helayo ilo amni ayaa sheegaya in Subeyr uu ka war-helay cadaadiska sii kordhaya ee lagu hayo kooxaha argagixisada, taas oo keentay in uu go’aansado in uu ka faa’iideysto fursadda cafiska ee ay dowladda Jubbaland u fidisay xubnaha kooxaha nabad-diidka ah ee doonaya in ay noloshooda dib u hagaajiyaan.
Ciidamada amniga ayaa si nabad ah u qabtay Salmaan, iyaga oo u gudbiyay xarumaha laamaha sirdoonka si loo maro habraacyada baarista .
