Ciidanka kumaandooska DANAB ee xooga dalka iyo kuwa dib u xoreynta deegaanka ayaa howlgallo ka dhan ah maleyshiyaadka Al-Shabaab ka sameeyey Deegaanka Ceel Cali gasle oo dhanka waqooyi ka xiga deegaanka ceel cali axmed ee gobolka Shabeellaha dhexe.
Saraakiisha hoggaamineysa howlgalka ayaa sheegay in Ciidanka ay cagta mariyeen goobo ay maleyshiyaadka Al-Shabaab kasoo abaabuli jireen weerarada ay ka geystaan dalka.
Saraakiisha hoggaamineysa howlgalka ayaa warbaahinta codka Ciidamada u sheegay inay burburiyeen saldhigyo ay maleyshiyaadka Al-Shabaab ku lahaayeen deegaankaas, ayna sii wadi doonaan howlgallada ka dhanka ah.
