Guddoomiyaha Hay’adda Maareynta Musiibooyinka Qaranka mudane, Maxamuud Macallin Cabdulle iyo Guddoomiye ku xigeenka hey’adda mudane, Axmed Cabdi Aadan, ayaa kulan la qaatay madaxa Hay’adda Cuntada Adduunka WFP, ee Soomaaliya Mr; Elkhadir Daloum.
Kulanka oo ka dhacay xarunta dhexe ee Hay’adda maareynta musiibooyinka Qaranka SoDMA, ayaa waxay labada dhinac kaga wada hadleen sidii ay u yeelaan lahaayeen wada shaqeyn dhow howlaha gaargaarka ee loo fidinaayo dadka Soomaaliyeed ee tabaaleysan.
