Madaxweynaha dowlad Goboleedka Galmudug Axmed Cabdi Kaariye (Qoor Qoor) ayaa sheegay in la diyaariyay Ciidamo katirsan Booliska Galmudug, kuwaas oo dhamaan la geeynayo degmooyinka Maamulkaas.
Qoor Qoor oo ka hadlayay munaasabad tababar loogu soo xirayay Ciidamo katirsan Booliska Galmudug ayaa sheegay in Ciidamadaan loogu talo galay sugida Amniga degaannada Galmudug, isla markaana ay diyaariyeen xaquuqdooda iyo Qalabkii ay ku howlgeli lahaayeen..
Waxaa uu hadalkiisa uu intaasi kudaray in dhamaan Ciidamada Booliska Galmudug looga baahan yahay inay ka hortagaan weerarada iyo falalka Amni darro ay geystaan Al-Shabaab, isla markaana Goobaha ay ku sugan yihiin ay ugu tagaan Saraakiishooda.
Hadalka Madaxweynaha Galmudug ayaa kusoo aadaya xilli dhowr jeer degaano iyo degmooyin katirsan Maamulkaas ay weeraro ka fuliyeen Ururka Al-Shabaab qaarkoodna si awood ah ay kula wareegeen.
