Guddiga doorashooyinka heer dowlad Goboleed ee Koonfur Galbeed ayaa Maanta oo Isniin ah diiwaangelinaya musharrixiinta 7-dii kursi ee ugu dambeeysay Kuraasta Golaha Shacabka ee degaan doorashadooodu tahay Maamulkaasi koonfur Galbeed.
Guddiga ayaa shalay shaaciyay Jadwalka doorashada 7 Kursi, kuwaas oo Maalinta Berito ah lagu dooranayo Magaalada Baydhabo ee Xarunta gobolka Baay, waxaana kuraasta la dooranayo ay kala yihiin.
1: HOP#181 oo ay ku fadhiso Maryan Macalin Isaaq.
2 HOP# 204 oo uu ku fadhiyo Macalin Cali Aadan
3: HOP# 197 oo uu ku fadhiyo Wasiirkii hore ee howlaha Guud & Guryeynta Cabdifitaax Maxamed Ibraahim Geeseey
4: HOP#179 Maxamed Axmed Maxamed ( Garweyne)
5: HOP#172 oo uu ku fadhiyo Cali Cadow Maxamuud, waxaana kursigaan horay ugu fadhiyay Madaxweynaha Koonfur Galbeed Cabdi Casiis (laftagareen).
6: HOP# 164 oo uu hadda ku fadhiyo Maxamed Isaaq Fanax
7: HOP# 047 oo ay ku fadhiso Wasiirka Haweenka Xukuumadda xilgaarsiinta Xaniifo Maxamed Ibraahim Xaabsade.
Maalinta berito ah ayaa waxaa la filayaa in Maamulada Galmudug & Koonfur Galbeed ay soo geba-gabeeyaan doorashada guud ahaan kuraasta Golaha Shacabka oo ay maamulayeen.
