Madaxweyne ku Xigeenka labaad ee dowlad Gobaleedka Jubbaland, ahna ku Simaha madaxweynaha Jubbaland Suldaan Cabdiqaadir Xaaji Maxamud ayaa tababar ugu furey dugsiga tababarka ciidanka daraawiishta dowlad gobaleedka jubbaland cutubyo ladoonayo in ay ka mid noqdaan ciidamada Jubbaland.
Taliyaha Guud ee ciidamadda Jubbaland Aadan maxamuud Ibraahim Goojaar ayaa madaxwayne ku xigenka labaad ku soo dhaweeyey furitaanka Tababarka .
“Mudane Madaxwayne waxaa halkaan diyar ku ah cutubyo cusub oo la doonayo in ay ka mid noqdaan ciidamadda Jubbaland “sidaa waxaaa warbaahinta u sheegay taliyaha guud Aadan Goojaar.
Madaxwayne ku Xigeenka 2-aad Cabdiqaadir Haaji Maxamuud (Luga-dheere )ayaa aad u bogaadiyey dhalinyarada diyaarka u ah in ay ka mid noqdaan ciidamadda daraawish-ta Jubbaland,waxaana madaxwayne ku-xigeenka labaad uu sheegay in dalka uu ka jirro hal-dagaal oo ah kooxa nabad diidka ah ee Al-shabaab.
“waxaad tihiin dhalinyaradii dalkaan ,cadowga waa in aad ka difaacdaan dalkiina hooyo ,qaasatan Al-shabaab”
