Howlgal qorshaysnaa oo socday in ka badan 19-saacadood oo ay fuliyeen ciidanka daraawiishta Jubbaland guutada labaad ee ka howlgasha deegaanada Jannaa-Cabdalla iyo Buula-guduud ee Gobalka Jubbada Hoose ayaa lagu baacsadey kooxda sahan ah oo ka tirsan khawaarijta kuwaa oo doonayay inay xogta deegaanka udusiyaan khawaarijta .
Taliyaha Guutada labaad ee Daraawiishta Jubbaland ee ka howlgasha deegaanadaas Korneyl Maxamuud Cabdi Cilmi <Maxamuud Fanax> oo howlgalkan hogaaminayay ayaa sheegay inay gacanta kusoo dhigeen kooxdii dhagar qabayaasha ee sahanka ahaa oo ay ku raad joogeen tiradooduna ahayd laba dhagar qabe oo ka tirsan kooxda gabalkooda siii dhacayo ee AS.
Taliyaha ayaa sheegay in cadowgu uu isticmaalo xeelado kala duwan si ay wax udhagraan shacabkana ay ku dhex dhuuntaan balse ay la fahmayaan oo ay iyagana xeelada kale isticmaalaan marka ay ku raad joogaan qabashadooda..
#Hoos ka dhageyso Codka taliyaha.
