Kooxda Barcelona ayaa ku soo laabatay wadada guulaha kadib markii ay garaacday kooxda Sevilla kulan ka tirsanaa horyaalka La Liga.
Barcelona ayaa marti galisay kooxda Sevilla kulan xiiso lahaa oo ka dhacay Camp Nou kaas oo ay kooxda Barcelona u baahnayd in ay dhaliso.
Kulanka ayaa ahaa mid ku adag labada kooxood iyada oo koox walba soo bandhigtay qaab ciyaareed cajiib ah mid walbana doonaysay in ay badiyaan.
Qaybta hore ee ciyaarta ayaa ku dhamaatay bar-baro gool la’aan ah iyaga oo qaybta Nasashada ku aaday bar-baro 0/0 ah.
Kooxda Barcelona ayaa qaybta dambe ku bilaabatay si dar-dar leh iyaga oo doonayay in ay dhaliyaan goolal ay ciyaarta wax kaga badalaan.
Barcelona ayaa daqiqiadii 76-aad heshay goolka 1-aad waxana si khaldan isaga dhaliyay xiddiga Sergio Ramos kaas oo hogaanka u dhiibay kooxda Barcelona.
Sevilla ayaa wax walba u samaysay sidii ay u soo laaban lahayd laakiin fursadihii ay helayeen ayay iska khasaarinayeen.
Waxa sidaas ku dhamaatay ciyaarta oo ay Barcelona ku badisay 1/0 iyada oo Sergio Ramos guul uu si khaldan isaga dhaliyay Barcelona ugu hogaamiyay guul ay si ku meel gaadh ah hogaanka La Liga ku qabteen.
