Ciidamada Daraawiishta Dowladda Jubbaland iyo kuwa Kumaandooska Danab ee Xoogga Dalka Soomaaliyeed (XDS) ayaa howlgallo ballaaran oo isugu jiray sifeyn iyo burburin ka sameeyay deegaano ka tirsan gobolka Jubada Hoose.
Howlgalladan ayaa si gaar ah uga dhacay deegaanada Miidoo, Harboole, Qumbi, iyo Malkaa Dhajo, halkaas oo ciidamada ay ku burburiyeen goobihii ay ku dhuumaaleysanayeen kooxaha Khawaarijta.
Ciidamadu waxay sidoo kale ka fuliyeen howlgallo kale deegaanada Beer-xaani iyo Barja, kuwaas oo ah meelo ay Khawaarijtu ka samaysteen godad waaweyn oo ay ku gambanayeen, kuna abaabulayeen dhagarta ka dhanka ah shacabka Soomaaliyeed.
Howlgalladan ayaa qayb ka ah dadaallada joogtada ah ee lagu cirib tirayo Khawaarijta iyo sidii loo sugi lahaa nabadda iyo amniga Deegaanada Dawladda Jubbaland.
