Munaasabad balaadhan oo lagu soo bandhigayay buugga Matxafka Cadaabta ee uu qoray qoraaga caanka ah Cabdulqaadir Shire Faarax, ayaa lagu qabtay magaalada Kismaayo, xarunta gobolka Jubbada Hoose.
Munaasabadda waxaa ka soo qayb galay xubno ka tirsan Golaha Wasiirada, mudanayaal ka tirsan Golaha Wakiilada, agaasimiyaal, aqoonyahano, ardayda wax ka barata jaamacadaha magaalada, iyo qaybaha kala duwan ee bulshada.
Dhamaan ka qeybgalayaashu waxay muujiyeen xiisaha iyo taageerada ay u hayaan shaqada qoraaga iyo muhiimada buuggan.
Sidoo kale Waxaa si weyn ay u soo dhaweeyeen soo bandhigida buuggan, oo si qoto dheer uga hadlayo arrimaha bulshada iyo dhaqanka, iyadoo sidoo kale dhiirrigelin u ah akhristayaasha cusub ee doonaya inay wax badan ka ogaadaan dhaxalka iyo taariikhda qotodheer ee buuggu ka hadlo.
