Mamulka degmada Baardheere iyo masuuliyiin ka socotay hay’adda Qaxootiga iyo Barakacayaasha Jubbaland ayaa maanta booqasho ku tagay kaamamka barkacayaasha degmada Baardheere.

Masuuliyiinta ayaa ujeedka socdaalkoodu daarranaa u kuur galidda xaaladda guud ee Barakacayaasha kaamamka dagan, iyagoona qof qof u xaalad wareystay kana dhageystay caqabada jira ee u baahan in wax laga qabto.

Guddoomiyaha degmada Baardheere Mohamed Weli Yussuf iyo isku-duwaha Hay’adda JUCRI ee gobolka Gedo Ali Dagane Cisman ayaa hogaaminayay masuuliyiintan kormeerka sameynayay.