Degmada Bu’aale ee gobolka Jubbada dhexe waxaa maalmihii ugu dambeeyay ka dhacayay duqeymo xoogan oo diyaaradaha dagaalka ay ka fuliyeen deegaano hoostaga degmada Bu’aale ee xarunta gobolka Jubbada Dhexe, halkaasi oo ay ku sugan yihiin Maleyshiyaadka Khawaarijta Al-Shabaab.
Wararka ayaa sheegaya in duqeynta ay dhacday xalay fiidkii, iyadoo dhowr gantaal lagu garaacay fariisimo kala duwan oo Maleyshiyaadka Khawaarijta Al-Shabaab. ku lahaayeen gudaha Bu’aale. Wararka ayaa sheegaya in qaar ka mid ah gantaalladaasi lala beegsaday goobo ay shirar ku lahaayeen xubnaha Al-Shabaab.
Ilaa hadda si rasmi ah looma xaqiijin karo inta uu la’eg yahay khasaaraha ka dhashay duqeymahaasi, iyadoo isgaarsiinta magaalada ay go’an tahay, taa s oo keentay in si rasmi ah loo helo khasaaraha la gaarsiiyay Maleyshiyaadka Khawaarijta Al-Shabaab.
