Hay’adda gargaarka ee Oxfam, ayaa sheegtay in 36-kii ilbiriqsiba hal qof ay u badan tahay inuu ku dhinto Geeska Afrika sababo la xarira ilaa dhamaadka sanadkaan haddii aysan helin taageero xoog leh.
Qeybo badan oo ka mid ah Kenya, Soomaaliya iyo Itoobiya ayaa isku diyaarinaya xilli roobaadkii shanaad, iyadoo malaayiin qof ay isaga tageen miyiga ayna ku nool yihiin xeryo ku meel gaar ah oo magaalooyinka u dhow.
Oxfam ayaa sheegtay in tirada dadka ay la soo deristay gaajada daran ee Soomaaliya ay kor u dhaaftay tiradii ay saameysay macluushii 2011-kii oo ay ku dhinteen 250,000 oo qof.
Dagaalka ka socda dalka Ukraine ayaa saameyn ku yeeshay qiimaha la kala siisto cuntooyinka aasaasiga ah oo meelaha qaar saddex jibaarmay.
