Inta la xaqiijiyay Saddex Dhalinyaro ah oo ayaa ku geeriyootay halka ruux oo kale uu ku dhaawacmayshil kadib Gaari oo ka dhacay Galbeedka Magaalada Hargeysa ee degaannada Somaliland.
Saddexda Dhalinyarada ah ee geeriyootay ayaa magacyadooda lagu sheegay Cabdisalaan, Faysal iyo Axmed, waxaana ay saarnaayeen Gaari yar oo Vitz ah, halka baabuurka kale ee uu ku dhacay uu ahaa Xaajiyo.
Ciidamo katirsan kuwa ilaalada waddooyinka Somaliland ee taraafikada iyo dadweyne kale ayaa tegay halka shirka uu ka dhacay, iyaga oo goobta ka qaaday meydadka dhalinyarada iyo dhaawaca qofka kale.
Wararka ayaa waxaa ay intaasi kudarayaan in Ciidamada taraafikada ay xir xireen darawalada labada Gaari ee isku dhacay, kuwaas oo la geeyay Saldhiga Booliska Magaalada Hargeysa.
Dhowr jeer ayaa magaalada Hargeysa iyo degaannada ku dhow dhow waxaa ka dhacay shilal gaari, iyada oo inta badan loo aaneynayo burbur xoogan oo kajira wadada u dhaxeeysa Magaalooyinka Hargeysa iyo Berbera.
