Xiddiga Cristiano Ronaldo ayaan lagu arkin hudheelka Lowry Hotel ka hor kulanka ay caawa la ciyaari doonaan kooxda Leicester City kulan ka tirsan premier League.
Xiddiga 37 jirka ah ayaa xulkiisa Portugal ka caawiyay in ay u soo baxaan koobka adduunka intii lagu jiray fasaxii xulalka Tababaraha Man United ee Ralf Ragnick ayaan sheegin uu xiddigu seegi doono kulanka.
Si kasta ha ahaatee Ronaldo ayaan lagu arkin xiddigaha yimid hudheelka Lowry Hotel fiidnimadii jimcihii taas oo shaki galinaysa taam ahaanshihiisa kulanka caawa.
Xaaska Ronaldo ee Georgina Rodriguez Ayaa la rumaysanyahay in ay ku jirto saacadihii ugu dambeeyay ee uurka isla markaas filayso in ay ilmo aduunka keento taas ayaan la sheegayaa in ay sabab u tahay maqnaanshaha Ronaldo ee kooxda.
Xiddiga reer Portugal ayaa qaab ciyaareed cajiib ah ku soo bandhigay Man United xilli ciyaareedkan isaga oo dhaliyay 18 gool tartamada oo dhan isla markaas caawiye ka noqday 3 kale.
