Wasiirka Wasaarada gargaarka iyo maareynta musiibooyinka ee Jubbaland Abdirahmaan Abdi Ahmed ayaa maanta kulan is-xogwareysi ah laqaatay gudiga abaaraha ee u xilsaartay kal-hore wasaarada gargaarka Jubbaland Bacdamaa Wasiirka Uu Safar Shaqo Ugu Maqnaa Dalka Dibadiisa.
Muhiimada kulanka ayaa ah in gudiga ay warbixino ka siiyaan wasiirka howlaha kala duwan ay qeybteen iyo waxyaabaha u hirgalay, gudiga ayaana warbixino ka bixiyey goobaha ay wax gaarsiiyeen.
Dhanka kale Wasiirka oo safar shaqo ugu maqnaa dalka Kenya ayaa dhankiisa ka warbixiyey safarkiisa shaqo ee dalkaasi Kenya.
Ugaas Cabdullahi Siraad Cabdi oo kamid Gudiga abaaraha ee u xilsaartay wasaarada gargaarka ee Jubbaland ayaa warbixino kala duwan ka bixiyey howshii ay Gudiga u xilsaartay waxa ugu qabsoomay, isagoona sheegay in howlihii ay u xilsaartay ay si wangsan ay ugu qabsoomeen deegaano badana ay wax gaadhsiiyeen.
Wasiirka wasaarada gargaarka iyo maareynta musiibooyinka ee Jubbaland Abdirahmaan Abdi Ahmed ayaa kadib markii uu warbixino ka dhagaystay Gudiga waxa uu ugu mahadceliyey shaqada ay qabteen gudigu inta uu ka maqnaa xafiiska, sidoo kale wasiirka ayaa dhankiisa warbixin ka siiyey safarkiisa shaqo ee dalka Kenya.
