Doorashada Golaha Shacabka ee baarlamaanka Federaalka ah ee Soomaaliya ayaa maanta si rasmi ah uga bilaawan doonto gudaha Magaalada Muqdisho.
Doorashada ayaa lagu bilaabi doonaa labo kursi oo ka mid ah kuraasta Golaha Shacabka kasoo galayo dhanka Somaliland kuwaas oo la diyaariyey ergooyinkii u codeyn lahaa Musharixiinta ku tartamo kuraastaas.
Ra’isul Wasaare Rooble ayaa shalay booqday xarunta loo diyaariyey in ay ka dhacdo doorashada labada kursi ee ka tirsan Golaha Shacabka ee Jamhuuriyadda Federaalka ah ee Soomaaliya.
Doorashada Maanta ka dhaceysa Xarunta Dugsiga Tababarka ee Ciidanka Booliska Soomaaliya ayaa waxaa goobjoog ka noqonaya xubno ka socda Guddiyada doorashooyinka Federaalka, xalinta khilaafaadka iyo kuwa Somaliland iyo Mas’uuliyiin kala duwan.
