Hey’adda Qaramada Midoobay u qaabilsan arrimaha bini’aadanimada dadka reer Falastiin UNRWA ayaa sheegtay in deegaan kasta oo Falastiin ah ay ka jiraan baahi iyo macluul daran, xilli uu si rasmi ah u bilowday ama la galay bisha Ramadaan.
Hey’adda ayaa mar kale ku celisay baaq la xiriiray in la helo xabad joojin degdeg ah,gaar ahaan inta lagu jiro bisha barakeysan ee Ramadaan.
Dhinaca kale,Ciidamada Israa’iil ayaa boqolaal Falastiiniyiin ah ka hor istaagay in ay galaan masaajidka al-Aqsa ee ku yaala bariga Quddus ee la haysto si ay ula yimaadaan waajibaadka Alle,gaar ahaan salaadaha iyo ducooyinka gaarka u ah bisha Ramadaan, sida ay sheegtay warbaahinta gudaha.
Ciidamada Israa’iil ayaa garaacay dad badan oo Falastiiniyiin ah,isla markaana hor-istaagay in ay salaadaha bisha Ramadaan ku dukadaan Masjidka Al-Aqsa ee la heysto .
Ismail Haniyeh oo ah madaxa xafiiska siyaasadda ee Xamaas, ayaa Israa’iil ku eedeeyay in ay ku guuldaraysatay in ay gaadho heshiis xabbad-joojin ah kahor bisha Ramadaan, isagoo yiri “Ma doonayno heshiis aan soo afjareyn dagaalka Gaza.”
Ugu yaraan 31,045 falastiiniyiin ah ayaa la dilay 72,654 kalena waxaa lagu dhaawacay weerarrada Israa’iil ee Gaza tan iyo Oktoobar 7.
Tirada dhimashada Israa’iil eek u baxay weerarradii Xamaas ee Oktoobar 7 ayaa maraysay 1,139, daraasiinna weli waa la haystaa.
