Kooxda Liverpool ayaa la ciyaari doonta Man City kulan si weyn isha loogu hayo oo ka tirsan tartanka Community Shield kaas oo ay Reds isha ku hayso in ay ku guulaysato.
Klopp iyo kooxdiisa ayaa kulanka soo galaya iyada oo ay dhaawacyo hadheeyeen kana maqnaan doonaan xiddigo muhiim ah oo uu ugu horeeyo Goolhaye Alisson.
Sidoo kale Diogo Jota ayaa ka maqnaan kooxdiisa iyo xiddigo kale kuwaas oo aan ciyaari doonin kulanka sabab la xidhiidha dhaawaca.
Tababare Klopp ayaa si kasta ha ahaatee ku soo gali doona shaxdiisa ugu adag si uu markii ugu horaysay ugu guulaysto koobka oo ah midka kaliya ee ka dhiman intii uu tababaraha u ahaa Liverpool.
Reds oo aan soo qaadan kulamo fiican isku diyaarintii xilli ciyaareedka ayaa wali ku jirta wakhti kala guur ah maadama ay waayeen mid ka mid ah xiddigihii laf dhabarka u ahaa ee Sadio Mane.
