Juventus ayaa lagu soo waramayaa inay aad ugu dhowdahay inay dhamaystirto saxiixa weeraryahanka Liverpool Roberto Firmino.
Tababare Massimiliano Allegri ayaa doonaya inuu ku xoojiyo weerarkiisa kadib markii uu Alvaro Morata isaga tagay kooxda kuna laabtay Atletico Madrid.
Kooxda Juventus ayaa Firmino u calaamadsatay badalka Morata iyaga oo haatan wadahadalo horumar leh kula jira kooxda Liverpool.
Sida laga soo xigtay Corriere dello Sport, Juventus ayaa horumar ka samaysay wadahadalada ay kula jireen Reds iyaga oo ku sii dhawaanaya saxiixa xiddiga.
Wararka ayaa intaas ku daraya in ay Juventus haatanba heshiiska shaqsiga ah la gaadhay xiddiga Firmino kaas oo doonaya in uu isaga tago kooxda.
Firmino oo aan si joogto ah ugu ciyaarin Liverpool xilli ciyaareedkii hore ayaa doonaya in uu ku biiro koox uu joogto ugu ciyaari si uu u aado koobka adduunka.
