Kooxda Arsenal ayaa lagu soo waramayaa in ay heshiis is dhaafsi ah u soo bandhigi doonto kooxda Leicester City si ay u hesho saxiixa xiddiga khadka dhexe ee Youri Tielemans.
Arsenal ayaa xagaagan oo dhan lala xidhiidhinayay xiddiga khadka dhexe ee Youri Tielemans kaas oo ay doonayso in ay ku xoojiso khadka dhexe ka hor bilaabashada xilli ciyaareedka cusub.
Sida ay sheegayaan wararku Arsenal ayaa Leicester City u soo bandhigaysa saxiixa Goolhaye Bernd Leno si ay u helaan iyaguna saxiixa xiddiga khadka dhexe ee Youri Tielemans.
Leno ayaa ka baxay qorshaha Mikel Arteta waxana uu doonayaa in uu isaga tago kooxda suuqa kala iibsiga xagaagan si uu ugu biiro koox uu joogto ugu ciyaari karo.
Arsenal ayaa dhankeeda doonaysa saxiixa xiddiga khadka dhexe ee Youri Tielemans kaas oo uu Arteta u doonayo in uu ku xoojiyo khadka dhexe ee kooxdiisa.
Sidaas darteed Arsenal ayaa haatan kooxda Leicester City u soo bandhigi doonta saxiixa Leno si ay u helaan saxiixa xiddiga reer Belguim ee Tielemans.
