Dowlada Ethiopia ayaa xabsiga ka sii deysay wariyaha caanka ah ee Eskinder Nega kadib in ka badan 18 bilood oo uu xirnaa.
Eskinder Nega ayaa la xiray bishii Juun 2020 ka dib dilkii muusikiiste Hachalu Hundessa, waxana uu ka mid ahaa dadkii lagu eedeeyay hurinta rabshadihii ka dhacay caasimadda Addis Ababa iyo gobolka ugu weyn dalkaas ee Oromia.
Sidoo kale Jawar Mohamed iyo Baqale Gabra oo gudoomiye iyo ku xigeen u kalla ahaa xisbiga OFC ee oromada ayaa la xiray dabayaaqadii junne 2020 kadib dilkii Fanan Haachalu Hundeesaa.
Jawar mohamed ayaa xiligaas lagu eedeeyay inuu waday kicin bulsho iyo inay xoog kula soo wareegayeen Meedka Fanaanka oo lagu aasi rabay gobolkiisa.
Dhawr jeer ayaa maxkamad la soo taagay waloow aysan jirin wax dambi lagu soo oogay iyo cadeeymo waxaana tiraba dhawr jeer garsoorku dalbadeen in la keeno cadaymo lagu qanci karo oo ku aadan eedaymihiisa.
Xoggaha hoose ayaa tibaaxaya in Abiye Axmed iyo siyaasiyiinta Oromaddu Geed dheer iyo mid gaabanba u fuuleen sidii loo xalin lahaa tabashooyinka Oromadda dhexdeeda Xabsigana looga siidayn lahaa Ragga wax galka u ah Oromadda.
Abiye Maanta waxaa uu sheegay in loo baahanyahay dib u heshiisiin iyo iscafis Guud taasoo gogol xaar u sii ahayd sii daynta siyaasiyiinta Oromadda.
