Madaxweyne Waare ka hadlay colaad dhexmartay beelo ku dagaalamay degmada Warshiiq

1052

Madaxweynaha Dowlad Goboleedka Hir-Shabeelle Maxamed Cabdi Waare oo xalay ku hoyday degmada Warsheekh ee Gobolka Shabeellaha Dhexe ayaa halkaasi ka bilaabay kulamo xal loogu raadinayo dagaal beeleedyada kusoo laab laabtay tuulooyinka hostaga degmadaas.

Madaxweyne Waare ayaa sheegay in ay nasiibdarro tahay in xilligaan lagu dul dagaalamo dadka Shacabka ah,isla markaana dad mas’uuliyiin ah ay colaadaasi mas’uul ka yihiin sidoo kale ay fiirsanayaan beelaha dagaalamaya.

Madaxweynaha ayaa Bulshada ku nool degmada Warsheeh iyo tuulooyinka hoostaga ayuu ugu baaqay inay ka Shaqeeyaan nabaddda iyo horumarka degaankooda.

Sidoo kale Madaxweyne Waare ayaa si adag uga hadlay oday 95 jir ah oo dhawaan lagu dilay degmadaas isagoo ku tilmaamay fal aad u xun ayna ka xunyihiin.

Degmada Warsheekh ayaa waxaa ay kamid tahay degmooyinka ugu amniga wanaagsan degmooyinka Gobolka Shabeellaha Dhexe, hayeeshee waxaaa mararka qaar ka dhaca dagaal beeleedyo soo laab laabtay.