Turkiga Oo Walaac Ka Muujiyay Khilaafka Ka Taagan Doorashooyinka Somalia

38

Dowladda Turkiga oo kamid ah dowladaha taageera Soomaaliya ayaa ka hadashay xaaladda siyaasadeed ee Cakiran ee dalka iyo khilaafka la isku mari la’yahay ee ka taagan qabsoomida doorashooyinka Soomaaliya.

Turkiga ayaa sheegay in muhiim ay tahay in dhammaan Madaxda dowladda Federaalka iyo kuwa maamul Goboleedyada heshiis nabadeed ka gaaran doorashada oo wax kasta oo jira lagu dhammeeyo wada-hadal laguna shaqeeyo niyad wanaagsan.

Bayaanka ka soo  baxay dowladda Turkiga ayaa waxaa looga baaqay Madaxda dowladda Federaalka iyo kuwa maamul Goboleedyada, kaasi oo ku aadan in ay  heshiis nabadeed ka gaaran doorashada oo wax kasta oo jira lagu dhammeeyo wada-hadal laguna shaqeeyo niyad wanaagsan.

“Waxaan aaminsanahay in dadka Soomaaliyeed ee saaxiibtinimada iyo walaaltinimada leh ay leeyihiin rabitaan iyo biseyl siyaasadeed oo ay ku go’aansadaan mustaqbalkooda.  Xaaladda jirta waxaan rajeyneynaa in is afgarad laga gaaro howlaha doorashada, iyadoo lagu saleynayo is-faham aan dib u dhac dambe ku imaan”