Xildhibaanada Golaha Shacabka oo dood adeg ka yeelanaya laba xeer

177

Waxaa maanta lagu wadaa in golaha shacabka ee Baarlamaanka Jamhuuriyadda federaalka Soomaaliya ay kulan ku yeeshaan xarunta Villa Hargeysa ee magaalada Muqdisho.

 
Ajandaha kulanka ayaa ah, ka doodista xeerka matalaadda gobolka Banaadir  uu ku yeelanayo  baarlamanka 11-aad iyo kuraasta gobolada Woqooyi ka soo galaya.

 
Xildhibaanada Golaha Shacabka ayaa waxaa xalay loo diray fariismo ku aadan inuu jiro kulan, isla markaana laga doonayo inay kasoo qeyb galaanka kulanka, si loo dardar geliyo howlaha shaqo ee horyaalla Baarlamaanka.

 
Labada sharci ay Xildhibaanada ka doodi doonaan ayaa waxaa uu kamid yahay sharciyo dhowr ah oo ay soo diyaareen Guddiga labada Aqal ee loo xilsaaray arrimaha dhameystirka sharciga Doorashooyinka ee dalka.